Нанҳәамза 1 азы, Аҧснынтә Ҭырқәтәылатәи Ареспублика иаҭааит Кавказ акультуратә центрқәа Рфедерациа еиҿнакааз, Кавказ ажәларқәа ретнокультуратә фестиваль алахәцәа гәыҧҩык.

Иахьа, алагер алахәцәа Сҭампылынтәи рымҩа хоуп Диузџьеҟа. Апрограмма аҳәаақәа ирҭагӡаны иазгәаҭоуп амилаҭбжьаратә еизыҟазаашьақәа зырӷәӷәо, иара убас Кавказ ажәларқәа ркультуреи рбызшәеи ахьчара иацхраауа еиуеиҧшым ауснагӡатәқәа.