Ишьақəыргылоу азакəанҧҵара инақəыршəаны, Аҧсадгьыл ахь ахынҳəразы аҳəынҭқарратə еилакы аӡбамҭа аднакылоит арепатриантцəа аматериалтə цхыраара рыҭаразы:
- шықəсык (1 шықәсык) ҿҳəарас иаҭаны анхарҭатə ҭыҧ ақьыра ашəара, аҿҳəара ацҵара азин аҭаны;
- арепатриантцəа рҭаацəеи дареи ргəабзиара ахəышəтəра амедицинатə шəҟəқəа рықәныҟәарала;
- аҭаацəара ралалара инақәыршәаны;
- ахшара данроуа, актəи, аҩбатəи, ахҧатəи уҳəа;
- зфинанстə ҭагылазаашьа уадаҩу арепатриантцəа, рсоциалтə зинқəа рыхьчаразы аҳəынҭқарратə дгылара зҭаху ацхыраара рыҭара,
- аҭаацәа рныҟәгаҩ иҧсҭазаара иалҵра инамаданы ацхыраара аҟаҵара
- аҵара ахəҧса 50% ахшəаара.
Аҧсадгьыл ахь ахынҳəразы аҳəынҭқарратə еилакы ацхырааратə хкқəа зегьы нанагӡоит хəышықəса рыҩнуҵҟа, арепатриант истатус аҿҳəара нҵəаанӡа.