Анаҩс, рхы аладырхəит ақалақь Фырхаҵа -Гəдоуҭа агəаны игылоу иҭахаз аибашьцəа рбаҟа амҵан имҩаҧгаз алахьеиқəҵаратə уснагӡатə. Иара убас, иаҭааит аҳəаанырцəынтəи зҭоурыхтə ҧсадгьыл бџьаршьҭыхла изыхьчоз ҳџьынџьуаа-аибашьцəа анышə иахьамадоу аҳаҭгəын. Иазгəаҭатəуп, 28 шықəса раҧхьа Аҧсны Аџьынџьтəылатə еибашьра анцоз аамҭазы Аҧсны Аруаа имҩаҧыргаз ажəылара ҳҭоурых адаҟьақəа рҿы итрагедиатə хҭысны ишанхо.
Иахьа, Аҧсадгьыл ахь ахынҳəразы аҳəынҭқарратə еилакы анапхгаҩцəеи аусзуцəеи ашəҭ шьыҵəрақəа шьҭарҵеит Аҟəа ақалақь ҳаибашьцəа анышə иахьамадоу Ахьӡ-аҧша абаҳчаҟны. Иргəаладыршəеит 1993 шықəса мартмза 15-16 рзы Гəымысҭатəи афронт ала Аҟəа ақалақь ахақəиҭтəразы имҩаҧгаз ажəылараҿы иҭахаз ҳфырхацəа, иара убас хабарда ибжьаӡыз ҳаибашьцəа.