Аҧснытәи аделегациа рҧылеит Уалид Маршьан иҧшәмаҧҳәыс Жансет Казанҧҳаи, иара иҧа Ҳалид Маршьани. Ҳалид Маршьан асасцәа аҧсшәа раҳәо иазгәеиҭеит, иахьатәи амш дара рзы ишҭоурыхтә хҭысу.
Жансет Казанҧҳа, Аҧсны Ахада Аслан Бжьаниа ҭабуп ҳәа иалҳәеит ивизит азы. "Аҟәа ақалақь ҳхылҵшьҭрақәа рыдгьыл аҿы Уалид Маршьан ибаҟа ахьықәдыргылаз, гәык-ҧсыкалатәи азнеира иадырганы, ҳамҭас ишәаҳҭоит аҳәачаҧа, уи ҳара ҳзы аҵак ду амоуп. Ҳара иаҳҭахуп ари аҳәачаҧа Аҟәа иҟазарц",-лҳәеит Жансет Казанҧҳа.
Аиҧылара ахыркәшамҭаз Аҧсны Ахада Аслан Бжьаниеи Жәлар Реизара аиҳабы Валери Кәарҷиеи агәаларшәагатә ҳамҭақәа рырҭеит Уалид Маршьан иҭаацәа.