Абар, иара уажәшьҭа хәышықәса иреиҳауп ас еиҧш Аҧсны имҩаҧысуа аицлабра ихы алаирхәуеижьҭеи. Ацәыргақәҵа аҟны ҷыдала еиҿкаауп иара иаалыҵ аҭыҧгьы. Инапы иҵижьуа ачысхкқәа иреиуоуп мрагыларатәи ахаа-мыхақәа. Урҭ ргьама хаа збарц агәаҳәара змоу шәадҵааларц шәылшоит адәқьан, абри аҭыӡҭыҧ ала: ақ. Аҟәа, Ешба имҩа, 171.
Иахьа, Аҧсны Аҳәынҭқарра Ахәаахәҭра-Ааглыхратә палата аҧшьгарала Аҟәа ақалақь аҿы имҩаҧысыз "Ачыс хаақәа рныҳәа" ихы алаирхәит Ҭырқәтәылантәи жәохә шықәса раҧхьа Аҧсныҟа нхара ҳәа иааз ҳџьынџьуаҩ Озқан Хәаҧшыхә.