MMA ақәҧаҩ Кораи Џьенгиз (Ацыгәба), еилаҧсоу ақәҧаратә ҟазарақәа дрыспортсменуп, хылҵшьҭрала даҧсыуоуп. 2014ш. инаркны ақәҧареи кикбоксинги рҽазыҟаиҵоит, атурнирқәа ихы рылаирхәуеит. Аспортсмен иҭаацәа шьҭрала Аҧснытәқәоуп. Иара иаб, Озҳан Ацыгәба, зхы иақәиҭу ақәҧаразы Европа дачемпионуп, Жәларбжьаратәи акласс змоу аспорт азҟазоуп.
Ақырҭуа спортсмен Важьа Маҷарашьвили, Ҭырқәтәыла имҩаҧысуаз MMA World Mix Fight ақәҧаразы ачемпионат мап ацәикит, GMC German Championship ачемпион, ҳџьынџьуаҩ Кораи Џьенгизи (Ацыгәба) иареи еиндаҭлараны иахьыҟаз, аицлабра алагара минуҭқәак шагыз.