Иахьа ихацыркхеит Аҧсны Аҳәынқарра Ахада Аслан Бжьаниа Алада Уаҧстәыла Ареспубликахь иофициалтә визит.

Ари авизит мҩаԥысуеит 2008 ш. нанҳәамзазы имҩаҧысыз ахҭысқәа ргәаларшәара инамаданы.
Аԥсуа делегациа Цхьынвалҟа амҩа ишықәыз имҩахыҵит иара убас Аҩадатәи Уааԥстәыла –Аланиа Ареспублика ашҟа.

Аԥсны Ахада Аслан Бжьаниеи аофициалтә делегациа алахәцәеи 2004 шықәсазы Беслан ақ. ашкол аҟны иҟалаз атеррористтә акт аан иҭахаз ашколхәыҷқәеи, арҵаҩцәеи, аҭаацәеи анышә иахьамадоу амемориалтә ԥсыжырҭа - «амаалықьцәа рықалақь» иаҭааит.

Шьыбжьышьҭахь Аслан Бжьаниа напхгара ззиуа Аԥсны аделегациа Алада Уаԥстәыла Ареспублика иаҭааит.

Аԥсны Аҳынҭқарра аофициалтә делегациа абри ашьҭахь Алада Уаԥстәыла аҳҭнықалақь ашҟа – Цхьынвалҟа идәықәлеит.