Аиҧылара мҩаҧысит Сҭампыл ақалақь аҿы, Ҭырқәтәыла еиҿкаау аҧсуа культуратә центрқәа рфедерациа Ассамблеиа хадаҿы. Аҧсадгьыл ахь ахынҳәразы Аҳәынҭқарратә Еилакы ахантәаҩы Вадим Ҳаразиеи Ҟарачы-Чеқьессктәи Ареспублика ауаажәлаарратә еиҿкаара "Абаза" ахантәаҩы Умар Кончеви иазгәарҭеит еиуеиҧшым ахырхарҭақәа рыла Аҧсныи Абазашҭеи русеицзуреи реизааигәахареи амҩа ишану, иара убас, Ҭырқәтәыла, Иорданиа уҳәа атәымҳәынҭқаррақәа рҿы инхо ҳдиаспореи ҳареи ҳаимадара есааира ишыӷәӷәахо.

Вадим Ҳаразиа иҳәеит, иаарласны абаза делегациа Аҧсныҟа ишаауа ишьақәыргылоу азҵаарақәа рылацәажәаразы. Умар Кончев иакәзар, аҧсуа ган Ҟарачы-Черқьесск иаҭаарц ааҧхьара риҭеит.