Ҳазшаз илҧха-игәыҧха шәыцзааит, ҭаацәала аманшәалара шәыгымзааит, шәнапы злашәкуа шәусқәа зегьы қәҿиарала имҩаслааит. Аҧсны жәлар аҧеиҧш бзиа ҳамазааит. Аҭоурыхтә мзызқәа нырцәи-аарцәи ҳәа еиҟәыршаз ҳауаажәлар ҳшьам дгьыл аҟны ҳаӡәыкны ҳҟалааит! Аҧсынтәыла еизҳазыӷьалааит. Ҳазҭалаз 2022-тәи Ашықәс Ҿыц ахҭыс бзиақәа рыла иҭәызааит, ацәгьара ҳҟәыблазааит. Ҽааныбзиала шәнеиааит!
Ҳаҭыр зқәу ҳауаажәлар! Аҧсадгьыл ахь ахынҳәразы аҳәынҭқарратә еилакы ахьӡала гәык-ҧсык ала ишәыдаҳныҳәалоит аҧсуаа жәытә-натә аахыс иазгәарҭо иҧшьоу аныҳәа ду - Ажьырныҳәа.