ИХӘАРҬОУ АИНФОРМАЦИА

АҦСНЫ АҲӘЫНҬҚАРРА

01
02
03
04
05
06

Вадим Ҳаразиеи Ҭырқәтәылатәи Ареспублика аҟынтә Аҧсны иааны иҟоу ҳџьынџьуаа рделегациеи реиҧылара.

Ажьарныҳәамза 21рзы, Аҧсадгьыл ахь ахынҳәразы аҳәынҭқарратә еилакы ахыбраҿы имҩаҧысит аилак ахантәаҩы Вадим Ҳаразиеи Ҭырқәтәылатәи Ареспублика аҟынтә Аҧсны иааны иҟоу ҳџьынџьуаа рделегациеи реиҧылара.
Уаҟа ирзааҭгылан Ҭырқәтәыла инхо ҳдиаспореи ҳареи ҳаимадара арҿиара иадҳәалоу азҵаарақәа жәпакы. Арепатриациазы аҳәынҭқарратә еилакы ахантәаҩы Вадим Ҳаразиа иазгәеиҭеит, аҧсуа культуратә центрқәа рфедерациеи Аҧсадгьыл ахь ахынҳәразы аҳәынҭқарратә еилаки аҧхьаҟатәи русеицзура аҵак ду шамоу.
Иазгәаҳҭоит, арҭ амшқәа рзы Ҭырқәтәылантәи Аҧсны иааны ишыҟоу ҳџьынџьуаа рделегациа. Уи аилазаараҟны иҟоуп: Мураҭ Гиумушь Махариа - аҧсуа культуратә центрқәа рфедерациа ахантәаҩы; Иумиҭ Шьаҳин Ашәба - аҧсуа культуратә центрқәа рфедерациа аусбарҭа алахәыла; Албуз Иаган - Сҭампыл еиҿкаау аҧсуа культуратә центр ахантәаҩы; Аҳмеҭ Хапаҭ - Адунеизегьтәи аҧсуа-абаза жәлар рконгресс иреиҳаӡоу асовет алахәыла.