Ҧхынгәымза 23 - Аҧсны Аҳәынҭқарратә бираҟ иамшуп!
Аҳәынҭқарратә бираҟи аҳәынҭқарратәи герби шьақәырӷәӷәан Аҧсны Иреиҳаӡоу Асовет аҟны, 1992ш.ҧхынгәымза 23 рзы.
Аҳәынҭқарратә бираҟ авторс дамоуп асахьаҭыхҩы Валери Гамгиа. Валери Гамгиа, иара убас, аҳәынҭқарратә герби, аҳәынҭқарратә ҳамҭақәа "Леон иорден, "Аҧсны Афырхаҵа", "Агәымшәаразы" амедалқәа дравторуп.
Рашәарамза 3, 2005ш.рзы Аҧсны Аҳәынҭқарра Ахада Сергеи Багаҧшь Аусҧҟа инапы аҵаиҩит ҧхынгәымза 23 -Аҧсны Аҳәынҭқарратә бираҟ иамшны ирылаҳәазарц.
Ажәлар ршьала икәабоу ҳҳәынҭқарратә бираҟ хьӡи-ҧшеи агымзааит. Ҳаҧсадгьыл Аҧсны ҧшӡа наунагӡа иахашәыршәырлааит ҳаҧсуа бираҟ. Ҳажәлар аҭынч ҧсҭазаара рҧеиҧшзааит!
Ҽааныбзиала шәнеиааит!