Аҧсадгьыл ахь ахынҳәразы аҳәынҭқарратә еилакы ахантәаҩы Вадим Ҳаразиа напхгара зиҭо Аҧснытәи аделегациа Ҭырқәтәылатәи Ареспубликаҟны русуратә ныҟәарақәа хыркәшауа, Сҭампыл ақалақь еиҿкаау Аҧсуа культуратә центр иаҭааит. Аделегациа дырҧылеит Аҧсуа культуратә центр анапхгаҩы Елиф Маршьан.

Ишәгәалаҳаршәоит, Аҧснытәи аделегациа аилазаараҟны ишыҟоу: Арепатриациазы аҳәынҭқарратә еилакы ахантәаҩы Вадим Ҳаразиа, аилак аиҿкаара-зинхьчаратә ҟәша аиҳабы Аслан Сангәлиа, арепатриациазы афонд адиректор ихаҭыҧуаҩ Асҭамыр Џьынџьал, Ҭырқәтәылатәи Ареспубликаҟны иҟоу Аҧсны Аҳәынҭқарра азинмчы нагӡа змоу ахаҭарнак Ибрагим Аҩӡба.