2022ш. хәажәкырамза 12 инаркны 15-нӡа Ҭырқәтәылатәи Ареспублика, Сҭампыл ақалақь аҟны имҩаҧысуа акикбоксинг азы Жәларбжьаратәи атурнир ихы алаирхәуеит Енвер Бзагәа. Ҳазҭагылоу аамҭазы, Енвер Бзагәа, ихымҧатәиу аррамаҵзура дахысуеит Ҭырқәтәыла, убри аҟынтә Ҭырқәтәылатәи Арбџьарымчқәа рыхьӡала дықәгылоит. Ҧшьымз рнаҩс, аррамаҵзура дшахысыз еиҧш, Енвер игәы иҭоуп иҭоурыхтә ҧсадгьыл ахь Аҧсныҟа ахынҳәра.