Абҵарамза 5 рзы, Арабтәи Ареспублика Египет, Каир ақ. аҟны имҩаҧысит Аҧсадгьыл ахь ахынҳәразы аҳәынҭқарратә еилакы ахантәаҩы Вадим Ҳаразиа напхгара ззиуа Аҧснытәи аделегациеи Арабтәи Ареспублика Египет иҟоу Урыстәылатәи Афедерациа азинмчы нагӡа змоу ахаҭарнак Георги Борисенкои реиҧылара. Аиҧылара аҧхарра ду аҵаны имҩаҧысит. Аҧснытәи аделегациа анапхгаҩы Вадим Ҳаразиа ацҳаражәҳәаҩ изеиҭеиҳәеит Каирҟа раара хықәкыс иамоу - Аҧсуа культуратә центр аҧҵара, уаҟа инхо аҧсуа диаспора…

Абҵарамза 3 рзы, Амман ақалақь, Иорданиатәи Хашимиттәи Акралраҟны имҩаҧысит Аҧснытәи аделегациеи "Адыга Хасе" иаҧҵоу Ачерқьесстә хылҵшьҭратә Хеилаки реиҧылара. Аиҧылара иалахәын: Аҧсадгьыл ахь ахынҳәразы аҳәынҭқарратә еилакы ахаҭарнакцәа: Вадим Ҳаразиа (аделегациа анапхгаҩы), Аслан Сангәлиа, Асҭамыр Џьынџьолиа, Жәлар Реизара адепутатцәа: Рашида Аиба, Дмитри Маршан, Венори Бебиа, Нарсоу Салаҟаиа, Ҭырқәтәылатәи Ареспублика аҟны иҟоу Аҧсны Аҳәынҭқарра азинмчы нагӡа змоу ахаҭарнак Ибрагим Аҩӡба.

Абҵарамза 3 рзы, Аҧсадгьыл ахь ахынҳәразы аҳәынҭқарратә еилакы ахантәаҩы Вадим Ҳаразиа напхгара ззиуа Аҧснытәи аделегациа аҭааит апринц Хамза ихатәы Черқьесстә школ. Уи афинанстә цхыраара анаҭоит ауаажәларратә еиҿкаара "Адыга-Хасе". Ашкол аҟны аҵара рҵоит ачерқьесс хылҵшьҭрақәа иреиуоу 1000-ҩык инареиҳаны аҵаҩцәа. Уаҟа еиҿкаауп ачерқьесстә цәа зыҟәну еиуеиҧшым акружокқәа. Ари аҭыҧ аҟны иҟоуп ашколқәранӡатәи ахәыҷтәы хыбра. Аушьҭымҭатә хәылҧазқәа ракәзар, амилаҭтә гьама аҭаны имҩаҧыргоит, аушьҭымҭацәа…

Абҵарамза 2 рзы, Иорданиа имҩаҧысит Аҧснытәи аделегациеи ачерқьесстә еиҿкаара "Адыга-Хасе" анапхгареи алахәцәеи реиҧылара. Аҧсуа делегациа злахәыз аиҧылара рхы аладырхәит аиҿкаара анапхгаҩы Ибрагим Исхакат, акомитетқәа рструктуратә ҟәшақәа рнапхгаҩцәа. Ирзааҭгылеит аиҿкаара аҿаҧхьа иқәнаргыло ауснагӡатәқәа рхықәкы, ачерқьесс диаспора реидкыларазы инанагӡо аҵакы, аструктура афинанстә цхыраара шымҩаҧысуа атәы, иара убас, Иордниа инхо ҳџьынџьуаа иаадырҧшуа ацхыраара. Анаҩс, ажәа иман Аҧсадгьыл ахь ахынҳәразы аҳәынҭқарратә еилакы ахантәаҩы Вадим…

Абҵарамза 2 рзы, Иорданиа -Хашимиттәи акралраҟны имҩаҧысит Аҧсадгьыл ахь ахынҳәразы аҳәынҭқарратә еилакы ахантәаҩы Вадим Ҳаразиа напхгара зиҭо Аҧснытәи аделегациеи Урыстәылатәи Афедерациа ахьӡала Иорданиа-Хашимиттәи акралраҟны иҟоу азинмчы нагӡа змоу ацҳаражәҳәаҩ Глеб Десиатникови реиҧылара. Уаҟа ирзааҭгылан Иорданиа инхо ҳџьынџьуаа аконсултә еиқәыршәара аганахь ала ирызцәырҵуа азҵаарақәа жәпакы. Аиҧылара мҩаҧысит аҧхарра зцыз аиҩызаратә ҟазшьа аманы.

Абҵарамза 1 азы имҩаҧысит ауаажәларратә еиҿкаара "Диуан Абаза" ахаҭрнакцәеи аҧсуа делегациеи аофициалла реиҧылара. Ауаажәларратә еиҿкаара "Диуан Абаза" напхгара аиҭоит ҳџьынџьуаҩ Азидин Ажьиба. Аизара рхы аладырхәит зыӡбахә ҳамоу аиҿкаара анапхгара, аусбарҭа аҳәаақәҵаҩцәа, иара убас уи алахәцәа. Аиҧылара алагамҭазы асасцәеи аҧшәмацәеи еибадырит. Анаҩс, ажәахә ҟаиҵеит Аҧсадгьыл ахь ахынҳәразы аҳәынҭқарратә еилакы ахантәаҩы Вадим Ҳаразиа. Иқәгылараҟны ҭабуп ҳәа реиҳәеит ааҧхьара рызҭаз зегьы, дырзааҭгылеит аҧхьаҟатәи…

цәыббрамза 30 - Аҧсны Аҳәынҭқарра Аиааиреи Ахьыҧшымреи ирныҳәоуп. Ҳаҭыр зқәу ҳауаажәлар! Аҧсадгьыл ахь ахынҳәразы аҳәынҭқарратә еилакы ахьӡала гәык-ҧсык ала ишәыдаҳныҳәалоит Аиааиреи Ахьыҧшымреи рымш. Аҧсны Аџьынџьтәылатә еибашьра анцоз аамҭазы аҧсуа жәлар аӡәк еиҧш еицҿакны, рымчқәа еилаҵаны ирылдыршеит ақырҭуа мпыҵахалаҩцәа бџьаршьҭыхла рҿагылара. Урҭ иарӷьажәҩаны ирывагылеит Нхыҵ-Кавказынтәи хатәгәаҧхарала еибашьра иааз ҳашьцәа, аҳәаанырцәынтәи ҳџьыньуаа, иара убас милаҭ рацәала Аҧсны алахьынҵа гәыҵхас измаз ауаажәларра. Аибашьра…

Сентиабр 27, 1993ш. – Аҧсны Ареспублика аҳҭнықалақь Аҟәа ахақәиҭтәра. Урыстәыла аҧшьгарала, иуль 27, 1993ш. рзы иаҵаҩын, ақырҭуа ар Аҧсны алгаразы х-ганктәи Шәачатәи аиқәшаҳаҭра. Аха, Қырҭтәыла ари аиқәшаҳаҭра хшыҩзышьҭра арымҭеит. Иҟалаз аҭагылазаашьа ҿыцқәа азгәаҭо, Аштаб Хадаҿы аус адулан аҕа ир аилаҧыххаареи, Аҟәа ахақәиҭтәреи рзы аоперациа. Сентиабр 16, 1993ш. Аҧсны Арбџьармчқәа ажәылара иалагеит. Гәымсҭатәи афронт ар аҕа ихыхьчаратә аҭыҧқәа ааныркылеит. Сентиабр 27…

Аҧсадгьыл ахь ахынҳәразы аҳәынҭқарратә еилаки Аҧснытәи аҳәынҭқарратә университети ирыбжьоу аиқәшаҳаҭра инақәыршәаны, есышықәсатәи апроект "Ҳџьынџьуаа рыҧсадгьыл аҟны аҵара дырҵара" аҳәаақәа ирҭагӡаны, Ауниверситет абазаҟны еиҿкаауп арепатриантцәа аҧсуа бызшәеи аурыс бызшәеи дырҵаразы аҽазыҟаҵаратә кәрсқәа. Қәҿиарала акәрсқәа ирхысыз зегьы алшара рымоуп абиуџьеттә шьаҭала Аҧснытәи аҳәынҭқарратә университет аҟны аҵара рҵарц, иара убас ауниверсит азеиҧш нхарҭаҿы аанкылара. Апрограмма алахәцәа ирызшәахоит астипендиа. Аҵараҟны ибзианы зхы аазырҧшыз ҳџьынџьуаа…

Аҧсадгьыл ахь ахынҳәразы аҳәынҭқарратә еилакы ахыбраҟны имҩаҧысит Ҭырқәтәылатәи Ареспублика аҟынтә Аҧсны иааны иҟоу аспортсменцәа рҧылара. Аиҧылара аартуа Аҧсадгьыл ахь ахынҳәразы аҳәынҭқарратә еилакы ахантәаҩы Вадим Ҳаразиа иазгәеиҭеит, аспортсменцәа рыҧсадгьыл ахь раара акыр агәахәа шырнаҭаз, аспорттә усхк аҟны ақәҿиарақәа рзеиӷьеишьеит. Иара убас, аделегациа ахада, Аҧсуа Федерациа алахәыла, Ҭырқәтәыла иҟоу аҧсуа қыҭа Калдахәара аиҳабы Ерџьаи Пачкориа, аҧсуа диаспора рҭоурыхтә ҧсадгьыл иаҭаартә алшара аҧызҵаз,…

Цәыббрамза 6, ихыркәшан аҧсуа милаҭтә хәмарра "Аимҵакьачара" ареспубликатә жәларбжьаратә турнир. Уи иалахәын Ҭырқәтәылатәи Ареспублика аҟынтә ҳџьынџьуаа. Афиналтә хәмарраҟны Ҭырҭәтәылантәи аҧсуа диаспора злахәыз акоманда аҩбатәи аҭыҧ ааннакылеит, Ҷлоу ақыҭа акоманда аҧыжәара агеит, актәи аҭыҧ ааннакылеит. Абасала, ихыркәшахеит аҧсуа милаҭтә хәмарра "Аимҵакьачара" жәларбжьаратәи атурнир. Аиашьареи, аиҩызареи, аимадареи, аҧхьаҟагьы аҿиара бзиа аиуааит аспорттә хырхарҭала.

Иахьа, Ҭырқәтәылатәи Ареспублика аҟынтә зҭоурыхтә ҧсадгьыл аҟны иҟоу ҳџьынџьуаа рделегациа ашәҭқәа шьҭарҵеит Алада Ешыра ақыҭан Аҧсны раҧхьатәи Ахада Владислав Арӡынба иҳаҭгәын аҟны, Аҧсны Аиааиреи Ахьыҧшымреи ргаразы Аџьынџьтәылатә еибашьраҟны иҭахаз ҳҵеицәа ргәаладыршәеит. Ҳџьынџьуаа рхы аладырхәуеит аҧсуа милаҭтә хәмарра "Аимҵакьачара" иазку ареспубликатәи жәларбжьаратәи атурнир. Анаҩс, астадион "Динамо" аҟны имҩаҧысит жәларбжьаратәи атурнир аартра. Аҧсуа милаҭтә хәмарра "Аимҵакьачара" иалахәуп Аҧсны араионқәа зегьы рҟынтә акомандақәа,…